مرحبا بك عزيزي الزائر اتفضل بالانضمام الينا هذا يشرفنا كثير.و ان كنت في زيارة تفضل اهلا وسهلا بك

المنتدى منتداك أتمنى تقضي وقت جميل معنا .



 
الرئيسيةبحـثالأعضاءالتسجيلدخول
مرحبا بكم في شبكه ومنتـــديات صبـ ـ نابلس ـ ـايا نتمنا لكم قضاء اجمل الاوقات معنا تحياتي للجميع  ( الاداره )
تفعيل الاشتراك الرجاء من جميع الزوار وضع ايميلك الصحيح ليصلك التفعيل عليه في علبه الرسائل الخاصه في ايميلك 
لاي شكوى او اقتراح , تبادل اعلاني , مطلبو مشرفين للمنتدى والدردشه فقط راسلنا على الايميل التالي  : yousef_3askar@hotmail.com

شاطر | 
 

 ليش بحب نابلس ؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
يوسف شرقاوي
المديــــر العــــام
المديــــر العــــام
avatar

المشاركات : 554
عدد النقاط : 1005

مُساهمةموضوع: ليش بحب نابلس ؟   الأربعاء سبتمبر 09, 2009 11:13 am

السؤال ليش بنحب نابلس ؟؟

1.

لانه كل المحلات في البلد والقهاوي والتكسيات لازم

يسمعوا ام كلثوم اخر النهار. وصحاب المحلات حتى اصحاب البسطات بكونو حاطين نفس تمباك باب المحلات وقاعدين اخر النهار

2.

لانه وانتا ماشي بالخان كل صحاب المحلات بقولولك اتفضلو عمي. او تفضل عالمؤسسة

3.

لانه في نابلس بتقدر تعيش نهار كامل (تفطر حمص وتتغدا عجه وتتعشا فلافل وتميل عقهوه وتسحب نفس تمباك او معسل ) بس حركة 15 شيكل

4.

لانه في نابلس شو ما يصير اجتياحات ويدخلو اليهود بتلاقي انه الناس بعدها بدها تعيش وبعد ما يطلعو اليهود بتلاقيهم عبو البلد والشوارع. وكل واحد بحكي عن بطولاته مع الجيش

.

5.

لانه في نابلس بسرعه بتنتشر الاشاعات والاخبار فش اشي مخبا يابا !

6

. لانه في نابلس كل الناس بقربو لبعض وكل الناس بتعرف بعض وكل الناس بعرفو

اخبار بعض.

7

. لانه في نابلس كل الناس بتكون بتكزدر في البلد ليلة وقفة العيد ومعجوقين .ومش شارين اشي

.

8

. لانه في نابلس في كنافه ومدلوئه وكلاج وعوامه وقطايف و نواشف و بلوريه وكل الحلويات الزاكيه.

9

.

لانه في نابلس بتكون مصاحب تنين ما الهم علاقه في بعض بعد مده طويله بتكتشف يا انهم قرايب يا انهم بعرفو بعض من زمان يعني البلد شبكة.

10.

لانه في نابلس في عكوب، والزلام قبل النسوان بعكبو لما يبلش موسم العكوب .وكل

الناس بتخزن ابصر اكم كيلو لطول السنه.

11.

لانه في نابلس اللبن تلت انواع نعاج وسمار وبقر. وبيجي في مرتبان اقزاز ولازم تاخد معك الفاضي لما بدك تشتري لبن لانه ما برضى يعطيك اياه صاحب المحل بدون الفاضي او بحطلك اياه بكيس.
12.

لانه في نابلس كل الناس في النهار بتكون تكزدر وتلفلف في البلد وفي الليل نفس الشباب والبنات بتلاقيهم بكزدرو في رفيديا.!

13.

لانه في نابلس اول ما تتعرف على حد جديد يا بشبه عليك يا بسألك عن واحد من عيلتك شو بقربلك يا بقولك "شو بئربولك دار فلان الي فاتحين ابصر وين"

14

. لانه كل شوارع نابلس مفتوحه عبعض يعني مستحيل تضيع بنابلس ولو تضيع وتسأل واحد في الشارع عن المكان الي رايح عليه بتلاقي كل الي في الشارع صارو يدلوك ومن كل قلبهم بكونو نفسهم ما تضيع وتوصل للمكان الي بدك اياه.

15.

لانه في نابلس لما تصير طوشه بتلاقي نص مليون واحد متجمعين. وكل واحد بسأل التاني شو في؟

16.

لانه من نابلس ابراهيم طوقان وفدوى طوقان ولانه كتير ناس مشاهير عيلتهم النابلسي او عيلتهم بتلاقي اصلها من نابلس ولانه في نابلس مكتبة البلديه وجامعة النجاح وفي نابلس كمان حارة الاريون وحارة الياسمينه والحمام التركي وحمام السمرا و في الصابونه النابلسية ولانه نابلس من المدن العريقه في الوطن العربي ، وهي تاني اقدم مدينة بالعالم بعد اريحا .

17.

لانه نابلس من اول المدن الي كان فيها سينما يعني سيدي الي عمره 70 سنه لحق السينما بايام شبابه وبس هالايام ما في ولا سينما شغاله.

18.

لانه عند كل الناس غدا العرس يوم العرس الا عند اهل نابلس تاني يوم العرس .

19.

لانه في نابلس تالت يوم العزا بعملو دلايل وبجيبو كنافه .

20.

لانه كل اهل نابلس بحبو نابلس وما بحبو يطلعو منها .

21.

لانه في نابلس دايما بتلاقي تنين صحاب واحد نابلسي والتاني فلاح ودايما متناقرين بس عن مزح

22.

لانه في نابلس اغلب شفيرية التكاسي بسمعو لمصطفى كامل !

23.

لانه لهجة اهل نابلس فش زيها و في مصطلحات فش زيها " الله يزلك " ، "ومووتيي" وابصر شو !

24.

لانه في نابلس في ناس من 3 اديان عايشين ومبسوطين وعمره ما صار بينهم مشاكل(مسلمين ومسيحيه وسمرا)

25.

لانه في نابلس لما تشتريلك لبسه وتفكر حالك جايب اشي جديد تاني يوم بتلاقي نص شباب البلد لابسين نفس اللبسه.

26.

لانه في نابلس ما بتدفي الدنيا شوي الا بتلاقي كل اهل نابلس يوم الجمعه نزلو عالباذان

27.

لانه في نابلس ما بفتح مطعم جديد او قهوه جديده بتلاقي كل الشباب راحو عليه . وبعد شهر ببطل يفوت عليه حد .

28.

لانه في نابلس اذا فتح محل اشي جديد ومشيت معه كلها شهر زمان وبتلاقي نص اهل البلد فتحو محلات متله.

29

. لانه كل شباب نابلس يا بشجعو ريال مدريد يا برشلونه .ودايما متناقرين

30

واخيرا ، بنحب نابلس لانها نابلس

وانا نابلسي أح يابا

واللي عاجبه عاجبه ، واللي مش عاجبه على اقرب بحر

*******************************
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://sabayapal.yoo7.com
في قلبي معشوقتي
عضو جديد
عضو جديد


المشاركات : 1
عدد النقاط : 1

مُساهمةموضوع: رد: ليش بحب نابلس ؟   الجمعة أبريل 08, 2011 11:48 am

يا حب انت شو بالك بدي اقول انا بحب نابلس عشان في صبايا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دموع الزمن
عضو جديد
عضو جديد


المشاركات : 20
عدد النقاط : 20

مُساهمةموضوع: رد: ليش بحب نابلس ؟   الأحد مايو 01, 2011 10:47 am

انا بحبها لاني ساكنه فيها ههههههههه
يسلمو على الطرح الرائع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ليش بحب نابلس ؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: |--*¨®¨*--| الاقسام الرئيسية |--*¨®¨*--| :: !~¤§¦مـنـتـدى نـابـلـس جـبـل الـنـار¦§¤~!-
انتقل الى: