مرحبا بك عزيزي الزائر اتفضل بالانضمام الينا هذا يشرفنا كثير.و ان كنت في زيارة تفضل اهلا وسهلا بك

المنتدى منتداك أتمنى تقضي وقت جميل معنا .



 
الرئيسيةبحـثالأعضاءالتسجيلدخول
مرحبا بكم في شبكه ومنتـــديات صبـ ـ نابلس ـ ـايا نتمنا لكم قضاء اجمل الاوقات معنا تحياتي للجميع  ( الاداره )
تفعيل الاشتراك الرجاء من جميع الزوار وضع ايميلك الصحيح ليصلك التفعيل عليه في علبه الرسائل الخاصه في ايميلك 
لاي شكوى او اقتراح , تبادل اعلاني , مطلبو مشرفين للمنتدى والدردشه فقط راسلنا على الايميل التالي  : yousef_3askar@hotmail.com

شاطر | 
 

 ليله العيد في مدينه نابلس

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
يوسف شرقاوي
المديــــر العــــام
المديــــر العــــام
avatar

المشاركات : 554
عدد النقاط : 1005

مُساهمةموضوع: ليله العيد في مدينه نابلس   الأربعاء سبتمبر 09, 2009 11:27 am


ليلة العيد في نابلس

احلى اشي في العيد هو اخر تلات ايام برمضان....هاي النتيجه توصلتلها بعد طول عناء.............. عجقه العيد هي الحلوه ........شراء الملابس واللف بالشوارع لبعد نص الليل ولفلفه على دوار و الخان طبعا مش عشان الواحد يشتري ...بس نوع من التقليد السنوي ..سهر ..وترمس.... وبليلها.... وسندويشات فلافل....وتطقيس عالبنات....ليله حلوه عن جد ...والتحضير للعيد هو الاحلى ..بتبدأ النسوان تعزيل في البيوت وتنظيف وغسل كل اشي ...حتى انه في نسوان بتطلع الملابس المغسوله وبتغسلها كمان مره قال احسن ما يحكوا عنها (مره خامه) يعني ست بيت مش معدلة ولازم تشتري فسيخ عشان تفسخ صيامك كنا واحنا زغار نفكر انه اذا ما افطرنا اول يوم العيد فسيخ فلازم نضل صايمين ...لانه الشغله الوحيده اللي بتفسخك عن رمضان هي الفسيخ واهم اشي بالعيد هو المعمول (الكعك)...وبدونه ما بزبط العيد...احنا او عيلتنا ما بنشتري كعك جاهزوبنعتبر اللي بشتري جاهز شخص فاشل مطبخيا......لازم تشتري سميد ناعم وسمنه الغزال ومحلب وشومر وكلفه المعمول وتعمله بالبيت بطقوس اقرب الى الطقوس الدينيه واهم اشي هو انك تبس السميد مع السمنه وكلمه تبس معناها تخلطه كويس مع الضغط عشان يصير روح واحده ما بعرف اذا الفعل بس يبس بسا موجود باللغه العربيه وتبدا بعد ذلك مرحله التدوير والتكوير والقوالب و نقش و لي بزيد من عجينة المعمول بنعملو فتوت و بعديها بيبلش الشوي والتحمير بالفرن وبتصير تشم الروائح اللي بتشهي ممممممممممممممممممممم شو طيبه ..يا حبيبي ويا ويلها اللي بطلع كعكها يابس او بهرهر و بفرط بأيد ضيوف .بفضحوها جاراتها و لي بيجو عندها بلعيد وبتهموها بعدم بس السميد جيدا

كنا زمان ننشد نشيد قبل ليله العيد وهو :
بكره العيد وبنعيد....وبندبح بقره السيد
والسيد ماله بقره.....بندبح بنته هالشقرا
والشقرا ما فيها دم...... بندبح بنته بنت العم
هونا مقص وهونا مقص....عنا عرايس ترقص بس
انا لهلاء بنشدها بس بحشش من الضحك و انا بغنيها، مش عارف ليش كنا مصرين انا ندبح بقره السيد وبنته....وبطلت اسمع اطفال اليوم بنشدوها الظاهر انها صارت من التهم الارهابيه ايضا لانه فيها دبح للسيد هاي هي ليله العيد لمعظم الناس في نابلس وبعتذر اذا في ناس ما فهموا شويه مصطلحات نابلسية من كلامي.

*******************************
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://sabayapal.yoo7.com
دموع الزمن
عضو جديد
عضو جديد


المشاركات : 20
عدد النقاط : 20

مُساهمةموضوع: رد: ليله العيد في مدينه نابلس   الخميس مايو 12, 2011 6:30 am

يسلمو على الجهود المبذوله
تئبل مروري
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ليله العيد في مدينه نابلس
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: |--*¨®¨*--| الاقسام الرئيسية |--*¨®¨*--| :: !~¤§¦مـنـتـدى نـابـلـس جـبـل الـنـار¦§¤~!-
انتقل الى: